За нас

Корените на Термалифт - Сервис Винклер

Нашите корени во техниката датираат уште пред 40 години, односно во 1965 година, кога таткото на основачот на Термалифт дд, Љубинко Дамјановски, отвори мал сервис за електротехнички апарати под име Винклер.

Компанија Терма

Во 1990 година, по распадот на Југославија и либерализацијата во системот, сервисот прерасна во компанија под име Терма, која ја прошири дејноста со испорака и монтажа на патнички и товарни лифтови од Италија.

Основање на Термалифт

Во 1996 година компанијата Терма се преименува во Термалифт дд, со основач Драган Дамјановски.

Почеток на увоз на вилушкари

Термалифт дд започнува со увоз на виљушкари од Јапонија, нивна репарација и продажба. Во 2002 година Термалифт дд започнува со увоз на нови вилушкари и формира сектор за резервни делови.

Термалифт станува лидер во регионот

Благодарејќи на саморазвиениот специфичен процес на репарација на вилушкари, при што се зголемува животниот век и квалитетот на истите, Термалифт станува лидер на пазарот за репарирани вилушкари.

Ексклузивен, независен дистрибутер на ТОЈОТА

Од 2014 Термалифт станува Ексклузивен Независен Дистрибутер на ТОЈОТА вилушкари за Македонија, Албанија и Косово и за 2 години достигнува 50% учество на пазарот на нови вилушкари!

ISO 9001:2015 - Сертификат

Македонски квалитет - 2016

Термалифт се здоби со признание за Македонски квалитет за 2016-та година за постигнатите деловни успеси и промоција на македонскиот квалитет на национално и глобално ниво.

ASEC сертификат

Во 2017 ТЕРМАЛИФТ се здобива со ASEC (After Sales Evaluation Certification) сертификат за сервисен салон и постпродажна поддршка според стандардите на ТОЈОТА.

Македонски квалитет - 2020

Термалифт по втор пат добива Признание за Македонски квалитет сега за 2020-та година, со што го докажува континуираниот прогрес, истрајност и квалитет во сите поминати години, а посебно и сега во ваква состојба.

25 години од основање!

Термалифт ја одбележува 25-годишнината од своето основање.

Формирани како мал сервис за електротехнички апарати, денес испишуваме 25 години успешна приказна, наметнувајќи се како лидер во регионoт во продажбата и сервис на вилушкари, со над 7.000 задоволни клиенти.

Термалифт денес

До денес, Термалифт има продадено над 4000 разни типови на машини во соседните земји и земји вон Балканот. Со над 7.000 задоволни клиенти во сите области (продажба, сервис, делови, солуции, услуги...) и 20 години искуство, Термалифт ја докажува својата професионалност, искреност и квалитет.